छालीवुड म धमाकेदार एंट्री करे के चाहत हवे आयशा के, सिखत हावे डांस अउ एक्टिंग

छालीवुड म नवा नवा चेहरा आते रहीथे लेकिन जेखर अंदर प्रतिभा अउ ये क्षेत्र म काम करे के लगन रहीथे उही ह मुकाम ल पाथे । अइसने अभिनय के क्षेत्र में अपन पांव जमाए बर तैयार होवत हे आयशा ।
आयशा रायपुर के रहवैया आए अउ अभिनय करे बर जबर इच्छा ओखर मन म हवे। लेकिन बिना तैयारी के वो ये क्षेत्र म बिल्कुल नई जाना चाहे, तेखरे बर आयशा ह डांस अउ एक्टिंग के प्रशिक्षण लेवत हे।

बहुत जल्द वो ह छत्तीसगढ़ी सिनेमा म नजर आही , अभी अईसे तो आयशा कोनो फिलिम म काम नई करे हे लेकिन ऑफर आवत हे, आयशा के कहना हे कि अभिनय कोनो खेल नई हे एमा चेहरा ल कतको भाव से प्रदर्शित करे जाथे , डांस के भी अपन अलग स्थान हे एखरे सेती वो ह दोनों के प्रशिक्षण लेवत हे । आयशा एक उम्दा डांसर के रूप म कदम रखना चाहथे छोलिवुड म।