Chhollywood: नवोदित कलाकार मन ल मिलत हे मउका, गीत “दिल्ली घुमाहुं रे तोला बम्बई घुमाहुं” म भूषण अऊ श्रुती करत हे डेब्यू

जय जोहार…. (Chhollywood) छत्तीसगढ़ में लॉक डाउन के बाद ले न तो फिलिम बनत हे अऊ न तो फिलिम मन रिलीज होवत हे, अइसे म अल्बम के गीत मन के शूटिंग अपन चरम म हे, ये गीत मन ल यू टयूब म अच्छा प्लेटफॉर्म मिल गे हे, जेला लाखो के संख्या म दर्शक घलो मिल गे हे,

छत्तीसगढ़ म अभी गीत के शूटिंग लगातार चलत हे, (Chhollywood) जेमा नवा नवा कलाकार मन ल मौका मिलत हे , अईसने नवा कलाकार हे श्रुति अऊ भूषण जेन मन अभी अपन ये गीत ल के काफी उत्साहित हे,

इंखर गीत के फिल्मांकन नवा रायपुर म होय हे अऊ येला कोरियोग्राफ करे हे राम यादव ह अऊ एखर निर्देशन करे हे दीपक कुर्रे ह, कैमरा चलाय हे दीपक बावनकर अऊ तामेश ह, एमा सहयोग करे हे राहुल साहू, रितेश चौहान अऊ सरोज कुर्रे ह, रूप सज्जा के काम सम्हाले हे अंजू उरांव ह,

(Chhollywood) दुनो कलाकार मन अपन ये गीत के रिलीज होय के इंतजार करत हे , काबर कि ये ऊंखर डेब्यू गीत हे, जल्द ही ये गीत ल एवीएम गाना म रिलीज करे जाही।