Home ताजा समाचार नवा चीफ जस्टिस ह काली राजभवन म लिही सपथ

नवा चीफ जस्टिस ह काली राजभवन म लिही सपथ

68
0

बिलासपुर । छत्तीसगढ़ हाईकोर्ट के नवा चीफ जस्टिस अजय कुमार त्रिपाठी 7 जुलाई के राजभवन म सपथ लिही। राज्यपाल बलरामजी दास टंडन नवा चीफ जस्टिस ल ओकर पद के सपथ दिलाही। अजय कुमार त्रिपाठी चीफ जस्टिस टीबी राधाकृष्णन के जगा लिही। सुप्रीम कोर्ट कॉलेजियम ह छत्तीसगढ़ के चीफ जस्टिस बनाए बर त्रिपाठी के नाव के अनुसंसा करे रहिस। आप मन ल बता दन कि चीफ जस्टिस त्रिपाठी एकर ले पहिली पटना हाईकोर्ट म न्यायाधीस रह चुके हे। बोकारो इस्पात नगर ले ओकर गहरा नाता हे। काबर कि त्रिपाठी ह स्कूली शिक्षा संत जेवियर्स स्कूल बोकारो म ग्रहन करिस। एकर बाद ओमन दिल्ली के श्रीराम कॉलेज ले उच्च सिक्षा ग्रहन करिस। दिल्ली बिस्वविद्यालय ले कानून के पढ़ाई पूरा करिस अऊ 1981 ले हाईकोर्ट म प्रैक्टिस सुरु करिस। 9 अक्टूबर, 2006 ले ही ओहर पटना हाई कोर्ट म जज के रूप म काम सुरु करिस। फेर 21 नवंबर 2007 के हाई कोर्ट के नियमित जज बनिस।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.