राज्य के ए जिला म मिलिस कोरोना के एक नवा मरीज, सक्रिय केस ह बाढ़ के होइस 36

जय जोहार…. राजनांदगांव जिला के डोंगरगांव ब्लॉक के खुज्जी म कोरोना के एक नवा पाजिटिव मरीज मिले हे। संक्रमित मरीज ह प्रवासी मजदूर हे। जेला क्वारेंटाइन सेंटर म रखे गे रहिस। कुछु दिन पहिले ओखर स्वाब सैम्पल ल जांच बर भेगे गे रहिस, जेखर आज रिपोर्ट ह पाजिटिव आय हे। एखर पुष्टि ल सीएमएचओ मिथलेश चौधरी ह करे हे।

राजनांदगांव जिला म अब कोरोना संक्रमित मरीज मन के कुल संख्या ह 36 हो गे हे। बता देन कि रविवार के डोंगरगढ़ के हरनसिंगी के एक महिला ह कोरोना पाजिटिव मिले रहिस, पाजिटिव महिला ह प्रवासी मजदूर हे, जेन दस दिन पहले महाराष्ट्र ले वापस लहुटे रहिस।