शिक्षक अऊ प्रधानपाठक मन बर जारी होइस नवा गाइडलाइन, बीईओ ले एप्रुवल के बाद मिलही छुट्टी
जय जोहार रायपुर…. शिक्षा म गुणवत्ता ल लेके नवा गाइडलाइन जारी करे गे हे। नवा गाइडलाइन के तहत ए बात के निर्देश दे गे हे कि गाइडलाइन के मुताबिक स्कूल मन म अध्यापन कराए जाही। अगर कहूं लापरवाही हुई त शिक्षक अऊ प्रधानपाठक म गाज गिरही।
राजीव गांधी साक्षरता मिशन के तरफ ले जारी निर्देश म केहे गे हे कि 15 मई तक हर हाल म विकासखंड स्तर, संकुल स्तर अऊ स्कूल स्तर म कार्ययोजना तैयार कर ले जाए। एखर बर शिक्षक मन के स्कूल म उपस्थिति के अलावा स्कूल के व्यवस्था, छात्र मन के स्थिति अऊ अन्य दिशा निर्देश जारी करे गे हे।
विभाग ह स्पष्ट निर्देश दे हे कि स्कूल मन म शिक्षक मन के स्थिति शत प्रतिशत हो, छुट्टी बिना बीईओ के एप्रुवल के अब शिक्षक मन ल नई मिलही। स्कूल मन म शौचालय के सफाई के जिम्मेदारी प्रधानपाठक ल दे गे हे। ऊहचे बच्चा मन के पठन-पाठन के संगेसंग ए बात के निर्देश दे गे हे कि प्रधानपाठक अपन स्कूल के कक्षा मन म औचक निरीक्षण कर बच्चा मन के टेस्ट लेवे।
