chhattisgarh : मंत्रालय अउ सबो विभागाध्यक्ष कार्यालय म होही 50 प्रतिसत उपस्थिति, आदेस होगे जारी

जय जोहार…. (chhattisgarh ) सामान्य प्रसासन विभाग डहार ले कोविड-19 के वर्तमान स्थिति ल ध्यान म रखत मंत्रालय अउ सबो विभागाध्यक्ष कार्यालय म 31 जनवरी 2022 ले तृतीय अउ चतुर्थ श्रेणी के कर्मचारी मन के 50 प्रतिसत उपस्थिति के निर्देस जारी करे गव्हे।

एखर पहले 10 जनवरी 2022 के (chhattisgarh ) मंत्रालय अउ सबो विभागाध्यक्ष कार्यालय म सासकीय कार्य संचालन बर एक तिहाई उपस्थिति के निर्देश जारी करे गे रिहीन । मनखे मन के काम के जल्दीच निराकरण हो सके, एखर सेती तृतीय अउ चतुर्थ श्रेणी के कर्मचारी मन के 50 प्रतिशत उपस्थिति के निर्देस जारी करे गेहे । सामान्य प्रसासन विभाग डहार ले सबो अपर मुख्य सचिव, प्रमुख सचिव, सचिव अउ सबो विभागाध्यक्ष ल ए संबंध में आज मंत्रालय ले निर्देस जारी कर दे गेहे।

(chhattisgarh ) सामान्य प्रसासन विभाग डहार ले जारी निर्देस म कहे हे कि कोविड-19 के वर्तमान स्थिति ल ध्यान म रखत मनखे मन के काम के जल्दीच निराकरण करे जाय बर मंत्रालय अउ सबो विभागाध्यक्ष कार्यालय म सासकीय काम संचालन बर 31 जनवरी 2022 ले तृतीय अउ चतुर्थ श्रेणी के कर्मचारी मन ल 50 प्रतिसत तक बुलाये जाए। ।