Chhattisgarh: मंत्रालय अऊ विभागाध्यक्ष कार्यालय के संचालन बर नवा आदेश हो गे जारी, पढो पूरा खबर

जय जोहार…. (Chhattisgarh) नवा रायपुर के मंत्रालय अऊ विभागाध्यक्ष कार्यालय के संचालन बर सामान्य प्रशासन विभाग के सचिव डीडी सिंह ह नवा आदेश जारी करे हे। जारी आदेश म अनलाक-5 के प्रक्रिया अऊ कोरोना संक्रमण ल देखत हुये मंत्रालय अऊ विभागाध्यक्ष कार्यालय म अनुविभाग अधिकारी अऊ ओखर ले वरिष्ठ अधिकारी मन के उपस्थिति अऊ बाकी कर्मचारी मन के 50 प्रतिशत उपस्थिति ल सुनिश्चित करे जाए ल कहे हे।

(Chhattisgarh) जारी आदेश म ये घलो कहे गे हे कि कोरोना सती अधिकारी अऊ कर्मचारी मन ह निजी वाहन ले ही कार्यालय आए, क्योंकि बस ले सोशल डिस्टेंसिंग बनाय रखना व्यवहारिक नई हो पावत हे।

बता दन कि एखर पहिले (Chhattisgarh) मंत्रालय अऊ विभागाध्यक्ष कार्यालय म कोरोना सती अधिकारी अऊ कर्मचारी मन के उपस्थिति ल रोस्टर के हिसाब ले जादातर एक तिहाई ले कार्य करे बर निर्देश जारी करे गे रिहिन।