स्कूल शिक्षा विभाग म अधिकारी मन के हो गे नवा पदस्थापना, आदेश होइस जारी

जय जोहार…. राज्य सरकार के तरफ ले स्कूल शिक्षा विभाग के उप संचालक, जिला शिक्षा अधिकारी अउ प्राचार्य के पद म नवा पदस्थापना करे गे हे। ए संबंध म स्कूल शिक्षा विभाग के तरफ ले मंत्रालय ले आदेश जारी कर दे गे हे।
जारी आदेश के अनुसार उपसंचालक जिला शिक्षा अधिकारी रायगढ़ मनीन्द्र श्रीवास्तव ल कार्यालय संभागीय संयुक्त संचालक लोक शिक्षण संभाग रायपुर, उपसंचालक आरपी आदित्य संचालनालय लोक शिक्षण ल जिला शिक्षा अधिकारी जिला रायगढ़, प्राचार्य रजनी नेल्सन सहायक संचालक जिला शिक्षा अधिकारी दुर्ग ल प्रभारी जिला शिक्षा अधिकारी जिला धमतरी, प्राचार्य परसराम चन्द्राकर जिला परियोजना अधिकारी जिला लोक शिक्षण समिति जिला ल प्रभारी जिला शिक्षा अधिकारी महासमुंद अउ सहायक संचालक राजेंद्र कुमार झा संयुक्त संचालक कार्यालय जगदलपुर ल प्रभारी जिला शिक्षा अधिकारी जगदलपुर पदस्थ करे गे हे।