कॉलेज अउ विश्वविद्यालय म नवम्बर ले हो पाही नवा सत्र सुरू, एचआरडी अउ यूजीसी के बइठक म होइस फइसला

जय जोहार…. कॉलेज अउ विश्वविद्यालय म सितम्बर ले प्रवेश के प्रक्रिया ह सुरू हो जाही, लेकिन नवा शैक्षणिक सत्र ह नवम्बर ले ही सुरू हो पाही।

प्रवेश सुरू होय ल ले के अभी तारीख पाइनल नई करे गे हे। लेकिन एचआरडी मिनिस्ट्री ह ये स्पस्ट कर दे हे कि जब तक पाइनल इयर, फाइनल सेमेस्टर के नतीजे नई आ जाही।

तब तक कालेज अउ विश्वविद्यालय ल एडमिशन विंडो ल ओपन रखना होही। एचआरडी मंत्री रमेश पोखरियाल के अध्यक्षता म मंगलवार के मंत्रालय, यूजीसी सहित आन पदाधिकारी मन के संग बइठक होय हे।

ए बइठक म ए फइसला ले गे हे कि जेईई मेन अउ नीट 2020 परीक्षा के नतीजा जारी होय तक दिल्ली विश्वविद्यालय समेत देश के सब्बो विश्वविद्यालय ल अपन एडमिशन विंडो ल ओपन रखना होही, ताकि कोनो छात्र ह उच्च शिक्षा म दाखिला ले वंचित न रहे।