रायपुर। मुख्यमंत्री विष्णु देव साय ह प्रदेशवासी मन ल नवा बछर 2025 के हार्दिक बधाई अउ शुभकामना दिस हे। ओ हा शुभकामना व्यक्त करत किहीस कि नवा बछर 2025 हमन जम्मों झन के जीवन म तरक्की के नवा अवसर लेके आए अउ हम जम्मों झन के जीवन म भरपूर सुख-समृद्धि के वास हो।
मुख्यमंत्री साय ह किहीस कि नवा बछर म हम जम्मों बर शुभ संकल्प ले के समय हरे। पिछला साल हमन प्रधानमंत्री मोदी के गारंटी ल पूरा करे के संकल्प ले रेहेन अउ प्रत्येक वर्ग ल लाभ पहुंचाए म हमन ल सफलता मिलीस। नवा बछर म घलो हमन प्रदेश के जनता के आकांक्षा ल पूरा करने बर प्रतिबद्ध हवन। मुख्यमंत्री साय ह किहीस कि ए साल हमन जम्मों छत्तीसगढ़ के स्थापना के रजत जयंती वर्ष मनावत हन, संगे संग ए बछर ल हमने अटल निर्माण वर्ष के रूप म घलो मनाए के निर्णय ले हन। आप जम्मों झन के भागीदारी ले हमन छत्तीसगढ़ ल एक समृद्ध अउ विकसित राज्य बनाए हन। उहें ओहा किहीस कि नवा बछर म हमन सब्बो झन मिलके छत्तीसगढ़ महतारी ल संवारे बर अउ अधिक संकल्पित होके कार्य करबो। संग म ओहा हमन सब्बो के शुभसंकल्प अउ मनोरथ नवा बछर म पूरे होय के आशा व्यक्त करत हुए, जम्मो झन के जीवन म सुख, समृद्धि अउ खुशहाली के कामना करिन।
