नवगठित प्रदेश कांग्रेस कार्यकारिणी हावे अच्छा, संतुलित अऊ प्रभावी, सबो वर्ग मन के रखे गिस ध्यान- शैलेश नितिन त्रिवेदी

जय जोहार रायपुर…. प्रदेश कांग्रेस कार्यकारिणी के घोसना के स्वागत करत हुए प्रदेश कांग्रेस संचार विभाग के अध्यक्ष शैलेश नितिन त्रिवेदी ह प्रदेश कांग्रेस अध्यक्ष मोहन मरकाम समेत सबो नवनियुक्त पदाधिकारी मन ल बधाई अऊ शुभकामनाएं दे हे। वो हा कहिन कि प्रदेश कांग्रेस अध्यक्ष मोहन मरकाम ह बहुत अच्छा, संतुलित अऊ प्रभावी कार्यकारिणी के गठन करे हे। ए कार्यकारिणी मिशन 2023 ल ध्यान म रख के बनाए गे हे। सबो क्षेत्र अऊ वर्ग मन के समुचित ध्यान प्रदेश कांग्रेस अध्यक्ष मोहन मरकाम के कार्यकारिणी म एआईसीसी के तरफ ले स्वीकृत अऊ जारी करे गे सूची म रखे गे हे।

प्रदेश कांग्रेस के 41 सदस्य मन के नवा कार्यकारिणी ल प्रदेश संचार विभाग के अध्यक्ष शैलेश नितिन त्रिवेदी ह कांग्रेस के युवा अध्यक्ष अध्यक्ष मोहन मरकाम के युवा टीम निरूपित करे हे। वो हा कहिन कि अनुभवी पदाधिकारी मन के संगेसंग युवा मन के टीम बहुत बढ़िया सामंजस्य अऊ संतुलन बना के काम करही। नवा कार्यकारिणी म प्रदेश कांग्रेस अध्यक्ष मोहन मरकाम के संगेसंग एक कोषाध्यक्ष, 10 उपाध्यक्ष, 22 महामंत्री अऊ सात कार्यकारिणी सदस्य बनाए गे हे। एखर पूर्व प्रदेश कांग्रेस अध्यक्ष के रूप म भूपेश बघेल के कार्यकारिणी म घलो 10 उपाध्यक्ष, 22 महामंत्री अऊ सात कार्यसमिति सदस्य रहिस।

वोहा कहिन कि प्रदेश कार्यकारिणी के संगेसंग 36 जिला कांग्रेस अध्यक्ष मन के घलो ए सूची म घोसना करे गे हे, जेमा भिलाई अऊ पेण्ड्रा-गौरेला-मरवाही दु नवा संगठन जिला बनाए गे हे अऊ ए दुनो जिला मन म घलो कांग्रेस अध्यक्ष के घोसना करे गे हे।