बेजोड़ फैमिली ड्रामा अऊ कर्णप्रिय गीत संगीत हावे ससुराल म , तीन जनवरी के होही प्रदर्शित

माँ कामना फिल्म्स बिलासपुर के प्रस्तुति आय ससुराल , जेखर बारे म बताय जात हे कि ये फिलिम पारिवारिक ड्रामा हे जेन ह बहुत ही कसावट से फ़िल्माय गे हे , एमा करन खान , सोनाली सहारे , टीकम ,प्रगति राव , गायत्री निषाद , प्रदीप शर्मा जईसे कलाकार मन अपन भूमिका निभाय हे

निर्देशक प्रभाष अऊ सह निर्देशक भूपेन्द्र चंदनिया ह बताइस कि फिल्म मेकिंग के दौरान निर्माता सागर केशरवानी अऊ मदन जी के सहयोग भरपूर मिलिस जेखर कारण हमन शूटिंग बगैर तनाव के करेन , फिल्म म पारिवारिक सीन शूट म अइसे लगे कि परिवार के संग ही फिल्म निर्माण होवत हे , कैमरामैन लक्ष्मण यादव भी बहुत बारीकी के साथ कैमरा चलाये हे अऊ सब्बो सीन के फिल्मांकन बहुत अच्छा होय हे ,एखर गीत संगीत के पक्ष भी शानदार हे .