निहारिका क्षेत्र ल बिजली के समस्या ले मिलहि निजात, उद्योग मंत्री ह रु 1.90 करोड़ के विद्युत सबस्टेशन के करिही भूमिपूजन
रायपुर। वाणिज्य उद्योग अउ श्रम मंत्री लखन लाल देवांगन ह आज शनिवार ल सीएसईबी कॉलोनी पूर्व म बिजली वितरण विभाग के 1*5 एमवीए 33/11 केवी उपकेंद्र लागत 1.90 करोड़ के भूमिपूजन अउ शिलान्यास करिन।
मंत्री देवांगन ह कहिन कि ऊर्जाधानी ले बनइया बिजली देश के कई राज्य ल रोशन करथे, लेकिन पिछला कुछ बछर म ए देखे गे हे कि बिजली के समस्या घलो बढ़त हे। जब ले मुख्यमंत्री विष्णुदेव साय के सरकार बने हे तब ले ए समस्या ले निपटे बर तेजी ले कार्य करे जात हे। आज ए उपकेंद्र के भूमिपूजन करे गे हे, जल्द एखर बने ले सीएसईबी कॉलोनी , पथरीपारा, निहारिका के 3 हजार ले अधिक उपभोक्ता अउ उखर परिवार मन ल लाभ मिलहि।
मंत्री देवांगन ह कहिन कि कोरबा शहर के बिजली वितरण व्यवस्था ल अउ बेहतर करे बर 5 जगह म उपकेंद्र निर्माण के प्रस्ताव राज्य शासन ल देय गे रीहिन। विष्णु सरकार ह जम्मों उपकेंद्र बर स्वीकृति दे दे हे। मंत्री देवांगन ह जानकारी देवत कहिन कि रूमगढ़ा , रताखार म 3.5 एमवीए के उपकेंद्र अउ झगहरा अउ परसाभाटा म 5 एमबीए के उपकेंद्र के निर्माण घलो जल्द प्रारम्भ होहि। ए सब्बों के बने ले 25 हजार ले अधिक उपभोक्ता मन ल सीधा तौर म बिजली के समस्या ले निजात मिलहि। मंत्री देवांगन ह कहिन कि सीएसईबी कॉलोनी के सड़क के दुर्दशा कोनो नई छीपे रीहिन, विष्णुदेव सरकार बने के बाद हमन ए समस्या ले राहत दिलाए बर प्रस्ताव देय रीहिन, आप मन ल जानके खुशी होहि कि जेन सड़क पिछला कई बछर ले नई बन रीहिन, वो महज एक बछर म ही बनगे हे, एक करोड़ के लागत ले सड़क डामरीकरण के कार्य पूर्ण हो चुके हे। संग म 5 लाख के लागत ले गायत्री मंदिर के तीर सड़क जिला खनिज न्यास मद ले तैयार हो चुके हे।
ए अवसर म जिला अध्यक्ष मनोज शर्मा, महामंत्री सन्तोष देवांगन, वार्ड क्रमांक 16 के पूर्व पार्षद नरेंद्र देवांगन, नरेंद्र पाटनवार, कोसबाड़ी मंडल अध्यक्ष डॉ राजेश राठौर, वैभव शर्मा रुक्मणि नायर, चुलेश्वर राठौर सहित अन्य उपस्थित रहिन.
