dhamtari: कोरोना संक्रमित के संपर्क म आय ले परिवार के 9 लोगन मन के रिपोर्ट पाजिटिव

जय जोहार। धमतरी (dhamtari) जिला के मगरलोड ब्लॉक म कोरोना संक्रमित मरीज मन के संख्या ह सरलघा बाढ़त जावत हे।

नगर पंचायत मगरलोड म कोरोना संक्रमित मरीज के संपर्क म आय ले ओखर परिवार के 9 सदस्य मन के रिपोर्ट ह पाजिटिव आय हे। एक ही घर म 10 पाजिटिव मरीज मिले ले हड़कंप मच गे हे।

बीएमओ डॉ शारदा ठाकुर ह बताइस कि कर्मचारी ह सर्दी अऊ खांसी के शिकायत होय म रैपिड ऐंटीजन टेस्ट ले कोरोना जांच करवाय रहिस, जेमा ओखर रिपोर्ट ह पाजिटिव पाय गे रहिस। ए कर्मचारी के परिवार के 10 सदस्य मन ल होम आइसोलेशन म रखे गे रहिस।

(dhamtari) इतवार के स्वास्थ्य विभाग के टीम ह संक्रमित कर्मचारी के परिवार वाला के कोरोना जांच करिस, जेमा ओखर पत्नी, लईका, माता, पिता, भाई अऊ बहु समेत 9 लोगन मन ह कोरोना पाजिटिव मिले हे। सबो संक्रमित मन ल इलाज बर धमतरी (dhamtari) के कोविड अस्पताल ले जाए गे हे।