जय जोहार बिलासपुर…. छत्तीसगढ़ के बिलासपुर ले सुखद खबर आवत हे। इहां कोनो कोरोना पाजिटिव नई हे। 383 लोग मन के रिपोर्ट ह निगेटिव आए हे। बता देन कि कोरोना के एकमात्र पाजिटिव केस ह करीब एक महीना पूर्व बिलासपुर म पाए गे रहिस। ए मरीज के रिपोर्ट ह उपचार के बाद निगेटिव आए रहिस, जेखर बाद ओला अस्पताल ले डिस्चार्ज कर दे गे रहिस।
जिला म कोरोना के एक केस मिले के बाद प्रशासन म प्रशासन म हड़कंप मच गे रहिस, ए बीच जिला के अलग-अलग वार्ड म 15163 घर मन म स्वास्थ्य सर्वेक्षण करे गे हे। ए सर्वेक्षण म 68 हजार 188 लोग मन के स्वास्थ्य के जांच करे जा चुके हे। एखर अलावा 383 सैंपल के रिपोर्ट ह स्वास्थ्य विभाग ले प्राप्त हो गे हे। स्क्रीनिंग के दौरान सामान्य खांसी के मरीज मिलिस, जेखर आवश्यक उपचार करे गे हे। जिला म बाहर ले आय व्यक्ति मन ल ओखर घर मन म आइसोलेशन म रखे गे हे। बाहर ले आय व्यक्ति मन म ले 857 ल 28 दिन के होम क्वारेंटाइन ल पूरा कर ले हे। अभी होम आइसोलेशन म 1440 व्यक्ति रखे गे हे। जेन पूरा तरह ले स्वस्थ हे। 1527 लोग अब तक ट्रेस करे गे हे, एमा ले 74 लोग मन के सूची ह गृह मंत्रालय ले मिले रहिस। अन्य माध्यम ले विभाग ह 1353 लोग मन तक पहुंचिस। ट्रेस करे अऊ होम आइसोलेट म पूर्णत: स्वस्थ लोग मन के संख्या 1440 हे। कुल 439 लोग मन के सेम्पल जांच बर भेजे गे रहिस। अब तक कुल 383 लोग मन के रिपोर्ट ह निगेटिव हे।
