जय जोहार रायपुर..रवि प्रकाश.. विश्वविदयालय ह अपन मर्जी ले डिग्री कोर्स ल शुरू नई कर सकही। विश्वविदयालय अनुदान आयोग (यूजीसी) ह मान्य डिग्री कोर्स के सूची ले अलग कोर्स शुरू करे बर ल नियम के उल्लंघन करार दिस हे। एखर संबंध म यूजीसी ह दिशा-निर्देश जारी करके सबो विश्वविदयालय मन ल एक्ट के अनुपालन करे बर निर्देश दे हे।बता दन कि कुछु विश्वविदयालय यूजीसी के मान्य कोर्स ले दूसर कोर्स संचालित करत हे अउ ओखर डिग्री देवत हे, जो छात्र मन के भविष्य म कई समस्या खड़े करत हे। एखर कारण यूजीसी ह विश्वविदयालय मन ल यूजीसी एक्ट 1956 के अनुच्छेद 22 के तहत मान्य डिग्रीकोर्स के अनुसार विदयार्थी मन ल डिग्री दे बर के निर्देश दे हे।
यूजीसी ह विश्वविदयालय मन ल जारी पत्र म सेंट्रल एक्ट, प्रोविंसिएल स्टेट एक्ट अउ डीम्ड विश्वविदयालय ले विदयार्थी मन ल आयोग ह मान्य कोर्स की डिग्री दे बर कहिन हे। स्वीकृति के छह माह पहिली आवेदन करे बर परही ,
यदि कोनो विश्वविदयालय यूजीसी ले मान्य डिग्री कोर्स की सूची ले अलग डिग्री संचालित करे बर के इच्छा रखत हे, एखर बर छह माह पहिली आयोग म संपर्क करे बर परही। संगे-संग संबंधित कोर्स ल शरू करे बर आयोग के समक्ष तर्क प्रस्तुत करही। आयोग ले स्वीकृति के बाद विश्वविदयालय ह कोर्स ल शुरू कर सकत हे।
Other Articles
संत रविदास जयंती मनाए जाही 9 के, शोभायात्रा अउ रैली घलो निकलही
