राजधानी रायपुर म कोरोना ल लेके होइस नोडल अधिकारी नियुक्त, 180 शिक्षक अऊ आंगनबाड़ी कार्यकर्ता मन के लगिस ड्यूटी

जय जोहार…. राजधानी रायपुर म कोरोना वायरस के नियंत्रण अऊ रोकथाम बर कलेक्टर ह महिला अऊ बाल विकास विभाग के जिला कार्यक्रम अधिकारी अशोक कुमार पांडेय ल नोडल अधिकारी नियुक्त करे हे। एखर निगरानी म एक्टिव सर्विलांस-स्टेटमेंट जोन बर नगर निगम वार अऊ विकासखंड स्तर म दल घलो गठित करे गे हे। जेमा 180 शिक्षक अऊ आंगनबाड़ी कार्यकर्ता मन के ड्यूटी लगाये गे हे। जेन वार्ड अऊ ग्राम पंचायत मन म घर-घर जा के बुखार, खांसी, सांस ले म तकलीफ के लक्षण वाला व्यक्ति मन के पता लगाये के काम करही।