chhattisgarh के मनोनीत राज्यपाल विश्व भूषण हरिचंदन ह काली पहुंचही रायपुर, 23 फरवरी के लेही राज्यपाल पद के सपथ

जय जोहार। छत्तीसगढ़ (chhattisgarh ) के मनोनीत राज्यपाल विश्व भूषण हरिचंदन ह 22 फरवरी के राजभवन विजयवाड़ा, आंध्रप्रदेश ले बिहनिया 7:40 बजे प्रस्थान करही अउ बिहनिया 8:30 बजे विसेस विमान ले रवाना होके बिहनिया 10:00 बजे स्वामी विवेकानंद विमानतल, रायपुर पहुंचही । एखर बाद राज्यपाल विश्व भूषण हरिचंदन ह राजभवन बर प्रस्थान करही ।

उल्लेखनीय हे कि छत्तीसगढ़ के मनोनीत राज्यपाल विश्व भूषण हरिचंदन ह 23 फरवरी के बिहनिया 11.30 राजभवन के दरबार हॉल म आयोजित समारोह म छत्तीसगढ़ के राज्यपाल के रूप म पद के सपथ लेही । राज्यपाल ल बिलासपुर उच्च न्यायालय के मुख्य न्यायाधिपति अरूप कुमार गोस्वामी ह सपथ दिलाही ।

ए अवसर म मुख्यमंत्री भूपेश बघेल, विधानसभा अध्यक्ष, मंत्रिमंडल के सदस्य, जनप्रतिनिधिगण, आमंत्रित गणमान्य नागरिक अउ वरिष्ठ प्रसासनिक अधिकारी उपस्थित रही ।