नान-इंटरलॉकिंग सती 23 जुलई ले तीन दिन तक प्रभावित रईही यात्री ट्रेन

कोरबा। नान-इंटरलॉकिंग काम के सती 23 ले 25 जुलई तक दक्षिण पूर्व मध्य रेलवे बिलासपुर मंडल म कई यात्री ट्रेन ह प्रभावित रईही।

अइसे जानकारी मिले हंवय कि दक्षिण पूर्व मध्य रेलवे बिलासपुर मंडल म गतौरा अउ जयरामनगर स्टेशन के बीच ऑटो सिग्नलिंग बर नान-इंटरलाकिंग के काम करे जाहि। ये काम ह 24 जुलई के बिहनिया 8 बजे ले शुरू होके 25 जुलई के रात 2 बजे तक चलही। जेखर सती इहां ले चलईया कुछ यात्री ट्रेन ह प्रभावित रईही त कुछ ट्रेन ल रद्द करे गे हे। 23 अउ 24 जुलई के गाड़ी संख्या 58204 रायपुर-गेवरारोड पैसेंजर बिलासपुर स्टेशन तक चलही अउ बिलासपुर-गेवरारोड के बीच रद्द रईही। 24 जुलई के गाडी संख्या 68733/ 68734 गेवरारोड-बिलासपुर-गेवरारोड मेमू के परिचालन ल रद्द करे गे हे। 24 अउ 25 जुलाई के गाड़ी संख्या 58203 गेवरारोड-रायपुर पैसेंजर बिलासपुर ले रायपुर बर रवाना होही अउ गेवरारोड-बिलासपुर के बीच म रद्द रईही। इही तरह ले टाटानगर-रायपुर के बीच चलईया कुछ पैसेंजर ट्रेन के परिचालन घलो प्रभावित होही।