chhattisgarh : भेंट-मुलाकात के दउरान राजीव गांधी किसान न्याय योजना के एक ठीन घलो नई मिलीन हे सिकायत : भूपेश बघेल
जय जोहार। (chhattisgarh ) मुख्यमंत्री भूपेश बघेल ह आज भेंट-मुलाकात अभियान के छठवां दिन सूरजपुर म जिला स्तरीय अधिकारी मन के संग योजना के क्रियान्वयन के स्थिति के समीक्षा करीन। बइठक म मुख्यमंत्री ह किहीन कि राजस्व अमला ल निचला स्तर म काम करे के जरूरत हे , राजस्व रिकार्ड के दुरुस्ती अउ नामांतरण, बंटवारा, सीमांकन उचित ढंग ले समय सीमा म पूरा हों।
ए अवसर म (chhattisgarh ) विधायक अउ सरगुजा विकास प्राधिकरण के अध्यक्ष खेलसाय सिंह, संसदीय सचिव पारसनाथ राजवाड़े अउ मुख्यमंत्री के सचिव डॉ. एस. भारतीदासन घलो उपस्थित रिहीन । मुख्यमंत्री ह भेंट-मुलाकात अभियान के दउरान 6 दिन म सरगुजा संभाग के 5 विधानसभा क्षेत्र सामरी, रामानुजगंज, प्रतापपुर, भटगांव अउ प्रेमनगर म 20 स्थान के दउरा करीन।
मुख्यमंत्री ह किहीन कि नरवा योजना के लाभ मैदानी स्तर म दिखत हे । नरवा प्रोजेक्ट म तेजी ले काम करे के जरूरत हे । वो हा किहीन कि पंचायत म काम सुधारे के जरूरत हे । गांव के भ्रमण के दउरान राजीव गांधी किसान न्याय योजना के एक ठीन घलो सिकायत नई मिलीन हे । अइसने गोधन न्याय योजना म खरीदी ल लेके रासि वितरण तक के प्रक्रिया म सबो ठीक हे ।
