गरियाबंद। जिला के गुरजाबहाल म जारी छत्तीसगढ़ अउ ओडिशा के बीच जमीन विवाद नइ सुलझ पाइस। मामला ल सुलझा य बर दूनों प्रदेश के राजस्व अधिकारिी मन ह दू दिन तक गांव पहुंच के नापजोख करिन। मगर ओकर बाद घलो मामला के समाधान नइ निकल पाया हे।
राजस्व अधिकारी अब मामला के जानकारी हाई कमेटी ल भेजे के बात कहे हे। मतलब साफ हे कि ये मामला घलो अब दूनों राज्य मन के बीच म जारी महानदी जल विवाद के तरह हाई प्रोफाइल होगे हे।
ये जमीन विवाद मामला म अब तक के अहम बात ये हवय कि गुरजाबहाल के किसान मन के जे जमीन म कुछु दिन पहिली ओडिशा के नुआमालपाड़ा के किसान ह कब्जा कर ले हे। छत्तीसगढ़ के अधिकारी ओला खाली कराय म नाकाम रहिगे, जब के जांच म वो जमीन ह छत्तीसगढ़ के किसान मन के निकलिस।
दू दिन के जांच के बाद दूनो राज्य मन के राजस्व अधिकारी ह ये फइसला लिन के काबिज जमीन उपर वर्तमान म जेखर कब्जा हे मामला के समाधान होय तक वो ह यथावत रहही। गुरजाबहाल के किसान मन ह एक बार फेर जमीन ल अपना बतात हुए छत्तीसगढ़ सरकार ले जमीन वापिस दिलाय के मांग करिन हे।
