कांग्रेस विधायक मन ह दिस भाजपा विधायक अजय चंद्राकर अऊ बृजमोहन अग्रवाल के खिलाफ विशेषाधिकार हनन के नोटिस
जय जोहार रायपुर…. सदन म आसंदी के ओर कार्यसूची ल फाड़ के फेंके जाना के मामला म सोमवार के सत्यनारायण शर्मा के नेतृत्व म कांग्रेस विधायक मन ह बीजेपी विधायक अजय चंद्राकर अऊ बृजमोहन अग्रवाल के खिलाफ विशेषाधिकार हनन के सूचना दे हे।
विधानसभा सचिवालय म दे गिस सूचना म केहे गे हे कि संसदीय व्यवस्था मन के अवहेलना करे गे हे। एखर पहिली प्रश्नकाल ल स्थगित करे म विपक्ष ह जमकर हंगामा करे रहिस। विपक्ष ह कार्यसूची ल फाड़ के आसंदी के ओर फेंक दे रहिस।
एखर संगेसंग विपक्षी सदस्य गर्भगृह के भीतर जाके धरना म बइठ गिस। जेखर बाद भाजपा विधायक मन ह अध्यक्ष के खिलाफ अविश्वास प्रस्ताव लाए के सचिवालय ल नोटिस दे रहिस।
