130 पट्टाधारी मन ल निगम के नोटिस, आदेश के पालन नइ करने म होही कार्रवाई

रायपुर। चंगोराभाठा इलाका म कइ बछर ले रहइया लोगन मन ल नगर निगम के तरफ ले 3 दिन के भितर मकान के दस्तावेज दे के नोटिस जारी करिस हे। एकर ले पूरा इलाका के लोगन मन म हड़कंप माच गए हे। ये नोटिस म चंगोराभाठा के अयोध्या नगर के निवासी मन ल मकान बनाए बर अनुमति संबंधित जम्मो दस्तावेज अऊ नक्सा के कॉपी मंगवाए हे। फेर ये इलाका म राजीव गांधी आवास योजना के पट्टा के आधार म ही लोगन मन रहथें। मंगलवार के प्रभावित परिवार मन कलेक्ट्रेट पहुंचके नोटिस समेत जम्मो प्रक्रिया म रोक लगाए के मांग करिन। लोगन मन आरोप लगाइन कि इलाका म ओमन कइ बछर ले रहत हे, अऊ अब साजिस के कारन हमन ल हटाए के योजना हे।