जय जोहार…. (chhattisgarh) राज्य सरकार के तरफ ले छत्तीसगढ़ म 31 ले बढ़ा के 38 लघु वनोपज के खरीदी ल समर्थन मूल्य म करे के संगेसंग संघ के तरफ ले तय समर्थन मूल्य के अंतर्गत 14 लघु वनोपज के खरीदी के अहम फइसला ले गे हे। प्रदेश के वनमंत्री मोहम्मद अकबर ह बताईस कि छत्तीसगढ़ लगभग दू वर्ष म समर्थन मूल्य म खरीदी बर लघु वनोपज के संख्या ल 7 ले बढ़ा के 52 कर दे गे हे।
ज्ञात हो कि (chhattisgarh) राज्य सरकार के तरफ ल छत्तीसगढ़ म निर्धारित न्यूनतम समर्थन मूल्य के तहत 31 ले बढ़ाए गे 38 लघु वनोपज म ले 7 नवा लघु वनोपज कुसुमी बीज, रीठा फल (सूखा), शिकाकाई फल्ली (सूखा), सतावर जड(सूखा), काजू गुठली, मालकांगनी बीज अऊ माहुल पत्ता ल शामिल करे गे हे।
निर्धारित समर्थन मूल्य के तहत एमा कुसुमी बीज 23 रुपया, रीठा फल(सूखा) 14 रुपया, शिकाकाई फल्ली(सूखा) 50 रुपया, सतावर जड(सूखा) 107 रुपया, काजू गुठली 90 रुपया, मालकांगनी बीज 100 रुपया अऊ माहुल पत्ता 15 रुपया प्रति किलोग्राम के दर म खरीदी करे जाही।
अइसने (chhattisgarh) संघ के तरफ ले समर्थन मूल्य म 14 लघु वनोपज पलास (फूल), सफेद मूसली (सूखा), इंद्रजौ, पताल कुम्हड़ा, कुटज, अश्वगंधा, आंवला (कच्चा), सवई घास, कांटा झाडू, तिखुर, बीहन लाख-कुसुमी, बीहन लाख-रंगीनी, बेल (कच्चा) अऊ जामुन (कच्चा) के खरीदी करे जाही।
