chhattisgarh : अब एक ठीन कॉल म घर बइठे बनही 5 बछर तक के लईका मन के आधार कार्ड

जय जोहार। (chhattisgarh) मुख्यमंत्री भूपेश बघेल के मंसानुरूप नागरिक मन ल आवश्यक सेवा घऱ म ही उपलब्ध कराय बर मुख्यमंत्री मितान योजना सुरू करे गे रिहीन । ए योजना के सफलता ल देखत हुये 1 नवंबर ले एमा एक ठीन अउ सेवा ल जोड़े जात हे। ए योजना के तहत अब 5 बछर तक के लईका मन के आधार मितान डहार ले घर आके बनाये जाही ।

टोल फ्री नंबर 14545 म कॉल कर अपन सुविधानुसार अप्वाइंटमेंट बुक करे जा सकत हे । (chhattisgarh) आवेदक डहार ले दे गे नियत तिथि अउ बेरा अनुसार मितान घर लईका मन के आधार पंजीकरण करे ल आही। पंजीकरण प्रक्रिया पूरा होय के कुछु ही दिन म लईका का आधार आवेदक डहार ले दे गे पता म आ जाही ।

(chhattisgarh) मुख्यमंत्री मितान योजना के माध्यम ले 5 बछर तक के लईका मन के आधार बनाय बर दस्तावेज रासन कार्ड, सीजीएसएस/ स्टेट गवर्नमेंट/ ईसीएचएस/ ईएसआईसी /मेडिकल कार्ड, आर्मी कैंटीन कार्ड, पासपोर्ट, बर्थ सर्टिफिकेट, राज्य अथवा केंद्र सरकार द्वारा जारी परिवार से संबंधित दस्तावेज, लईका मन के आधार पंजीकरण के बेरा माता, पिता म ले कोनो एक झन के आधार नंबर अउ बायोमेट्रिक अनिवार्य होही ।