chhattisgarh म अब 5 ले 6 बच्छर के लईका मन बर सुरु होही ‘बालवाड़ी‘ योजना, ए सत्र ले 68 हजार 54 विद्यार्थी ह होही लाभान्वित
जय जोहार। (chhattisgarh ) प्रदेस के 6536 स्कूल के परिसर म जिहां आंगनबाड़ी ह संचालित हे, उहां अब बालवाड़ी घलो प्रारंभ करे जाही। ये बालवाड़ी ह प्री-स्कूल के तरह संचालित होही, जिहां 5 ले 6 बच्छर के उमर समूह के लईका मन ल सैक्षणिक अउ खेल के माध्यम ले शिक्षा मिलही। ये निर्णय मुख्यमंत्री भूपेश बघेल के अध्यक्षता म आज आयोजित कैबिनेट के बइठक म ले गेहे।
राज्य सासन के ये निर्णय ह राष्ट्रीय शिक्षा नीति 2020 के अनुरूप हे । ‘बालवाड़ी‘ नाव ले संचालित होवइया ये योजना के माध्यम ले सैक्षणिक बच्छर 2022-23 म 68 हजार 54 लईका लाभान्वित होही ।
‘बालवाड़ी‘ के संचालन बर लईका मन के सामग्री ‘बालवाटिका‘ तैयार करे जा चुके हे है। सिक्षक मन के प्रसिक्षण के तैयारी कर ले गेहे है। बालवाड़ी के संचालन स्कूल परिसर म भोजन अवकास के पूर्व दो घंटा संचालित करे जाही। ए स्थानों म अतिरिक्त कक्ष के निर्माण बर कार्यवाही प्रचलन म हे ।
(chhattisgarh ) ए योजना ल संचालित करे जाय ले स्कूल पूर्व ही लईका मन म बुनियादी साक्षरता अउ संख्याज्ञान ल बेहतर करे बर आधार प्राप्त होही , जेन प्राथमिक स्तर म लईका मन के सैक्षणिक स्तर ल सुधारे म नींव के पत्थर साबित होही। अइसने राज्य के 5-6 बच्छर के आयु समूह के 3 लाख 23 हजार 624 विद्यार्थी मन म ले 68 हजार 54 विद्यार्थी ह ए सत्र 2022-23 ले लाभान्वित होही ।
