सीएम भूपेश बघेल ह दे हे बड़का राहत, अब घर बइठे ही मिलही जाति अऊ निवास प्रमाण पत्र, पढो पूरा खबर

जय जोहार…. सीएम भूपेश बघेल ह राज्य के छात्र-छात्रा अऊ आम जन मन ल बड़का राहत दे हे। अब जाति अऊ निवास प्रमाण पत्र ल ओखर घर म प्रदान करे के सुविधा ल मुहैया कराय हे।

मुख्यमंत्री के निर्देश म राज्य सरकार के सामान्य प्रशासन विभाग के तरफ ले जाति अऊ निवास प्रमाण-पत्र के वितरण ल सरल करत हुये प्रमाण पत्र ल आवेदक मन के घर पहुंच सुविधा ल उपलब्ध कराय के आदेश ल सब्बो जिला कलेक्टर मन ल जारी करे गे हे।
जारी आदेश के तहत जाति अऊ निवास प्रमाण पत्र जारी होय के बाद संबंधित आवेदक मन ल डाक रजिस्ट्री शुल्क ले के प्रमाण पत्र ल ओखर घर के पता म भेजे जाही।

एखर बर लोक सेवा केन्द्र अऊ तहसील कार्यालय के तरफ ले आवेदक मन ले डाक रजिस्ट्री शुल्क ले के अऊ व्यय शुल्क के पावती ल देवत हुये आवेदक मन के निवास के पता म प्रमाण पत्र ल भेजे के सुविधा दे जाही। जेखर ले आवेदक मन ल तहसील कार्यालय अऊ लोक सेवा केन्द्र म जाय के जरूरत नई होही।