Corona: पूर्व मुख्यमंत्री के घलो कोरोना रिपोर्ट आय हे पाजिटिव, पढो पूरा खबर

जय जोहार…. कोरोना (corona) वायरस के कहर ह थमे के नाम नई लेवत हे। अब कोरोना ह गुजरात के पूर्व मुख्यमंत्री शंकर सिंह वाघेला ल घलो अपन चपेट म ले ले हे। पिछले दू-तीन दिन ले ओला बुखार आवत रिहिस। एखर बाद सनिच्चर के ओखर कोरोना (corona) टेस्ट ल करवाय गिस। कोरोना वायरस के रिपोर्ट ह पाजिटिव आय के बाद वो होम क्वारेंटाइन हे। जरूरत पड़ने म ओला अस्पताल म भर्ती करे जाही।
आप मन ल बता देन कि समर्थक मन के बीच बापू के नाम ले मशहूर वाघेला ह 1996 म गुजरात के मुख्यमंत्री रह चुके हे। कोरोना (corona) पाय जाय के बाद आज बिहिनिया प्रधानमंत्री नरेन्द्र मोदी ह शंकर सिंह वाघेला के कोरोना टेस्ट ह पाजिटिव आय म फोन कर बात करे हे। प्रधानमंत्री ह फोन म शंकर सिंह वाघेला के तबीयत के बारे म सब्बो जानकारी ले हे।