Raipur: कोरोना नियम नइ माने म अब होही एफआईआर, मास्क अउ होम आइसोलेशन ल लेके प्रशासन ह दीन निर्देश

जय जोहार…. (Raipur) कोरोना ल लेके बुधवार के जिला प्रशासन के टास्क फोर्स के बइठक होय हे। जेमा कई महत्वपूर्ण निर्णय ले गे हे। ए अवसर म कलेक्टर डॉ एस भारतीदासन ह रायपुर जिला म कोरोना के बाढ़ते संख्या ल देखत हुये जिला प्रशासन के हरेक स्तर म कोरोना वायरस ले बचाव अऊ रोकथाम बर नियमित रूप ले कार्य करे के निर्देश दे हे।

कलेक्टर ह कहिन कि (Raipur) कोविड के प्रसार ल रोके बर सबो इंसीडेट कमांडर ह फील्ड म जाके कार्य करे। कांटेक्ट ट्रेसिंग के कार्य घलो करे जाये। ए दौरान होम आइसोलेशन के कड़ाई ले पालन करे के निर्देश दे हे। जादा उमर अऊ बीमारी ले ग्रसित लोगन मन ल कोरोना पाजिटिव होय म होम आइसोलेशन के बजाय अस्पताल म भर्ती कराये जाही।

कलेक्टर ह कहिन कि ये देखे जावत हे कि लोगन मन ह मास्क ल लेके गंभीर नई हे। वो हा अईसे लोगन मन जेन कोविड (Raipur) बर जारी शासन प्रशासन के नियम अऊ आदेश के पालन नई करत हे, ओखर विरुद्ध सख्त कार्यवाही करे के निर्देश दे हे।