कोरोना के अब निजी अनुबंधित अस्पताल म घलो होही मुफ्त उपचार, स्वास्थ्य मंत्री सिंहदेव ह दे हे निर्देश

जय जोहार…. कोरोना ले जूझत प्रदेश के लोगन मन बर अच्छा खबर हे। अब निजी अस्पताल म घलो कोरोना के मुफ्त इलाज ह होही। ये सुविधा सिरिफ वो अस्पताल ल मिलही, जेन डॉ खूबचंद बघेल स्वास्थ्य सहायता योजना ले अनुबंधित हे। स्वास्थ्य मंत्री टीएस सिंहदेव के निर्देश म कोरोना के संभावित खतरा के मद्देनजर ये निर्देश जारी करे गे हे।

योजना के तहत 50 या 50 बिस्तर ले ऊपर अइसे अस्पताल जिहां शासन के तरफ ले तय मापदण्ड के अनुसार सुविधा ह उपलब्ध हे। वहां ए विश्वव्यापी महामारी के उपचार करे जा सकही। कोरोना संदिग्ध मरीज मन के उपचार बर ए सुविधा ह उपलब्ध नई होही यानी कोरोना पाजिटिव मरीज मन के उपचार के अनुमति होही। डॉ. खूबचंद बघेल स्वास्थ्य सहायता, आयुष्मान भारत प्रधानमंत्री जन अरोग्य योजना बर अनुबंधित अस्पताल म कोरोना बीमारी के उपचार बर पैकेज ल शासन ह तय कर दे हे।

विश्वव्यापी महामारी बर 50 या ओखर ले जियादा बिस्तर वाले अस्पताल ल ही उपचार के अनुमति ल तकनीकी समिति के परीक्षण के बाद होही। डॉ. खूबचंद बघेल स्वास्थ्य सहायता योजना के निजी अनुबंधित अस्पताल जेला कोरोना मरीज मन के उपचार बर अनुमति ल प्रदान करे जाही। ए अस्पताल के तकनीकी समिति के तरफ ले परीक्षण करे जाही। समिति के अनुशंसा के बाद इलाज बर अनुमति जारी करे जाही।