प्रदेश म अब दू घंटा जियादा खुलही शराब दुकान

जय जोहार…. राज्य म शराब दुकान ह अब दू घंटा जियादा समय तक खुलही। राज्य सरकार ह समय म फेरबदल करत हुये अब बिहनिया आठ बजे ले रात 9 बजे तक शराब दुकान के संचालन ल अनुमति दे दे हे। एखर पहले तक शाम सात बजे तक ही दुकान ल खोले रखे के आदेश रहिस।

कोरोना वायरस संक्रमण के नियंत्रण बर आबकारी विभाग ह लाकडाउन म छूटे दे जाय के दौरान दुकान के खोले अऊ बंद करे के समय म संशोधन करे रहिस। दुकान ल बिहनिया आठ बजे ले शाम सात बजे तक खोले जाय के अनुमति दे गे रहिस, लेकिन विभाग ह अपन ताजा आदेश म बंद करे के समय ल दू घंटा के बढोतरी करत हुये रात 9 बजे कर दे हे। आबकारी विभाग के विशेष सचिव एपी त्रिपाठी ह कलेक्टर मन ल भेजे गे पत्र म आदेश के कड़ाई ले पालन ल सुनिश्चित करे जाय बर निर्देशित करे हे।