Raipur: फल अऊ सब्जी के आलावा सीजी हाट म अब मिलही दवई, पढो पूरा खबर

जय जोहार…. (Raipur) लॉकडाउन के समय म आम लोगन मन ल घर बइठे फल अऊ सब्जी के जरूरत ल पूरा करे ले सीजी हाट एप के शुरुआत करे गे रिहिस।

ए एप के जरिये लोगन मन ह घर बइठे फल, सब्जी ल घर बइठे आनलाइन आर्डर कर सकत हे।

(Raipur) कोरोना संक्रमण के बाढ़ते विस्तार ल देखत हुए एडीएम अऊ होम आइसोलेशन प्रभारी विनीत नंदनवार ह ए एप म एक अऊ महत्वपूर्ण फीचर जोड़े के पहल करे हे।

कलेक्टर डॉ. एस भारतीदासन ले चर्चा के बाद एडीएम नंदनवार ह ए एप म अब दवई के होम डिलीवरी के सुविधा ल घलो जोड़ दे हे. एखर फायदा होम आइसोलेट कोरोना संक्रमित मन के आलावा बुजुर्ग मन ल घलो मिलही।

(Raipur) सीजी हाट के माध्यम ले लोगन मन ल 24 घंटा दवई के होम डिलीवरी मिल पाही। एडीएम ह एखर बर तैयारी ल पूरा कर ले हे। दवई व्यापारी मन ले बइठक कर दवई के होम डिलीवरी बर राजी कर ले हे। ए एप के माध्यम ले जिला के 500 ले जादा व्यापारी मन ल जोड़े के प्रयास करे जावत हे।