जय जोहार रायपुर…. एसएसपी आरिफ शेख ह यातायात ल सुगम, सुरक्षित अऊ नियम के प्रति जागरूकता लाए बर ट्रैफिक सियान लाए हे, जेन ठेठ छत्तीसगढ़ी भाषा म शहर के प्रमुख चौक-चौराहा म उल्लंघन करइया वाहन चालक मन ल नियम मन के पालन कर वाहन चलाए बर समझाए जाही।
बतावत जात हे कि चार मार्च के ट्रेफिक सियान ह रायपुर पहुंच चुके हे, जेन ह आते ही शहर के एसआरपी चौक, फाफाडीह चौक अऊ महिला थाना चौक म यातायात नियम मन के उल्लंघन करइया बिना हेलमेट के वाहन चालक, स्टाप लाइन ल क्रास करके जेबरा क्रासिंग म खड़े होने वाला वाहन चालक अऊ मोबाइल ले बात करइया वाहन चालक मन ल नियम मन के पालन कर वाहन चलाए बर समझाइश हे।
बता देन कि एखर पहिली घलो पुलिस ह लोग मन ल यातायात नियम के प्रति जागरूक करे बर अनेक जन जागरूकता अभियान चलाए रहिस। हर हर हेलमेट अभियान के तहत 25 हजार दोपहिया वाहन चालक मन ल हेलमेट वितरण करे गे रहिस। ऊहचे यातायात के नियम मन के पालन करे बर जन जागरूकता अभियान घलो चलाए गे रहिस।
