Flight : रईपुर ले अब देस के 12 सहर बर मिलहि 21 उड़ान सेवा के विकल्प

जय जोहार…. (Flight) स्वामी विवेकानंद एयरपोर्ट, रईपुर ले अब देस के 12 प्रमुख सहर बर 21 ठिन उड़ान सेवा के विकल्प मिलहि। बजट एयरलाइन्स इंडिगो ह इही सप्ताह दिल्ली, बंगलुरु, मुंबई अउ चेन्नई बर नवा उड़ान सेवा सुरु करे के शेड्यूल जारी कर दे हे।

बता देन की (Flight) लॉक डाउन के दउरान उड़ान घट के हरेक दिन 5 उड़ान तक सीमित हो गे रिहीन। अब अनलॉक अउ कोविड गाइड लाइन म करे गे सिथिलता ले अब 21 उड़ान सेवा के विकल्प प्रदेस के यात्री मन ल मिलहि।

(Flight) इंडिगो मुंबई-रईपुर-मुंबई सेक्टर म 23 जुलाई ले नवा फ्लाइट सुरु करत हे। ये उड़ान सेवा ल सोमवार, शुक्रवार, शनिवार अउ रविवार के संचालित करे जाहि। 6 ई 5512 रईपुर ले 8.15 बजे रवाना होही अउ 10 बजे मुंबई पहुंचही।