जय जोहार। (chhattisgarh) कोविड-19 से बचाव बर एखर टीका के दूसरइया डोज अउ प्रिकासन डोज के बीच के अवधि ल घटाके अब छह महीना कर दे गेहे। अभी तक एला नौ महीना के अंतराल म लगाय जात रिहीन । केन्द्रीय स्वास्थ्य अउ परिवार कल्याण मंत्रालय डहार ले जारी नवा निर्देस के आधार म राज्य सासन के स्वास्थ्य विभाग ह घलो सबो जिला के मुख्य चिकित्सा अउ स्वास्थ्य अधिकारी, जिला टीकाकरण अधिकारी मन ल ए संबंध म परिपत्र जारी कर देहे।
(chhattisgarh) राज्य टीकाकरण अधिकारी डॉ. वी.आर. भगत ह सबो मुख्य चिकित्सा अउ स्वास्थ्य अधिकारी, जिला टीकाकरण अधिकारी मन ल भेजे परिपत्र म किहीन हे कि नेसनल टेक्नीकल एडवायजरी ग्रुप ऑन इम्यूनाइजेसन (NTAGI) के स्टैंडिंग टेक्निकल सब-कमेटी (STSC) के अनुसंसा म कोरोना ले बचाव के टीका के दूसरइया खुराक अउ प्रिकॉसन डोज के मध्य के अंतराल ल नौ माह या 39 सप्ताह ले अब छह माह या 26 सप्ताह कर दे गेहे।
वो हा परिपत्र म किहीन हे कि 18 ले 59 बछर उमर वर्ग के सबो लाभार्थी मन ल कोविड वैक्सीन के दूसरइया डोज के छह माह या 26 सप्ताह पूरा होय म निजी कोविड वैक्सीन सेंटर म प्रिकॉसन डोज लगाय जाही। (chhattisgarh) स्वास्थ्य कर्मी , फ्रंटलाइन वर्कर अउ 60 बछर ले ऊपर के नागरिक मन ल टीका के दूसरइया खुराक के छह माह या 26 सप्ताह पूरा होय म सासकीय कोविड वैक्सीन सेंटर म निःसुल्क प्रिकॉसन डोज लगाय जाही । एखर बर कोविन म आवश्यक बदलाव कर दे गेहे ।
Other Articles
No Comment! Be the first one.