अब राजधानी म ऑटो चालक, सब्जी अऊ फल बेचइया के घलो होही कोरोना टेस्ट

जय जोहार…. अब राजधानी रायपुर के ऑटो चालक, सब्जी अऊ फल बेचइया के घलो कोरोना जांच होही। ए जांच ल ले बर महिला बाल विकास विभाग के टीम ह घलो जाही। क्योंकि कम्युनिटी स्प्रेड के घलो खतरा ह बाढ़ गे हे। एला कम करे बर स्वास्थ्य विभाग अऊ नगर निगम के टीम ह अब ऑटो, रिक्शा चालक मन के घलो कोविड-19 जांच करही।
महिला अऊ बाल विकास विभाग के कार्यक्रम अधिकारी अशोक पाण्डे ह बताइस कि एखर बर प्लान तैयार करे गे हे। रायपुर के ट्रक ड्राइवर, सब्जी-फल विक्रेता, क्लिनिक कर्मी समेत आन दुकानदार मन के घलो रेंडम टेस्टिंग करे जाही। जिला प्रशासन के संग नगर निगम अऊ महिला बाल विकास विभाग के टीम ह डोर टू डोर सर्वे करही। ए फइसला ल राजधानी म सरलघा बाढ़त कोरोना के मामले ल देखत हुये ले गे हे।