UGC NET 2020: फेर बदल गे तिथि, अब 24 सितंबर के होही परीक्षा

जय जोहार…. (UGC NET 2020) नेशनल टेस्टिंग एजेंसी (एनटीए) ह यूजीसी नेट परीक्षा 2020 ल ले के तारीख के ऐलान कर दे हे। अब यूजीसी नेट के परीक्षा ह 24 सितम्बर के होही, जेन ह पहिले 16 सितम्बर के आयोजित होवइया रहिस।

नेशनल टेस्टिंग एजेंसी ह नोटिस जारी कर कहे हे कि 16,17,22 अऊ 23 सिंतबर के दूसर परीक्षा होए के सती यूजीसी नेट के परीक्षा ल टाल दे गे हे। (UGC NET 2020) यूजीसी नेट परीक्षा के तारीख आईसीएआर परीक्षा एआईईईई-यूजी/ पीजी अऊ एआईसीई-जेआरएफ/एसआरएफ (पीएचडी) 2020-21 ले टकरात रहिस।

अईसे म यूजीसी नेट ल री-शेडयूल करे गे हे। कुछु परीक्षार्थी ह आईसीएआर अऊ यूजीसी नेट दुनो परीक्षा म बइठत हे। अब यूजीसी नेट 2020 परीक्षा ह 24 सितंबर ले सुरु होही। यूजीसी नेट के विषय अऊ पाली के आधार म शेड्यूल ल बाद म जारी कर दे जाही।