NR Parashar ल चुने गे हे छत्तीसगढ़ ओलंपिक संघ के निर्विरोध संयुक्त सचिव

जय जोहार…. छत्तीसगढ़ ओलंपिक संघ के चुनाव म बस्तर के इंजीनियर एनआर पराशर (NR Parashar) ल निर्विरोध संयुक्त सचिव चुने गे हे।

बस्तर जिला ओलंपिक संघ ले जुड़े सबो पदाधिकारी, खेल संघ ले जुड़े खेल प्रेमी मन ह इंजीनियर एनआर पराशर (NR Parashar) ल शुभकामना अउ बधाई दे हे। ऊहचे संजय मूर्ति ल सचिव बस्तर जिला ओलंपिक संघ अउ संग्राम सिंग राणा ल उपाध्यक्ष बस्तर जिला ओलंपिक संघ बनाये गे हे।

बता देन कि छत्तीसगढ़ ओलंपिक संग के चुनाव म अध्यक्ष, महासचिव के संग सबो 10 उपाध्यक्ष, सचिव अउ कार्यकारिणी के 12 सदस्य मन के निर्विरोध चुने जाना ह तय हो गे। विशेष आमंत्रित म 13 सदस्य मन ल रखे गे हे। सिरिफ कोषाध्यक्ष पद बर अब 25 जुलाई के चुनाव होही।