बालोद म आकाश शर्मा के नेतृत्व म निकलिस एनएसयूआई के रोजगार रइली

रायपुर। भारतीय राष्ट्रीय छात्र संगठन (एनएसयूआई) ह आज रोजगार रइली निकालिस। एनएसयूआई के प्रदेशाध्यक्ष आकाश शर्मा के नेतृत्व म निकले ये रइली म सैकड़ों छात्र अउ युवा सामिल रहिन हे। रइली कांग्रेस भवन ले निकलिस जे ह नगर के विभिन्न मारग ले गुजरिस। ये दउरान युवा मन ह सरकार के खिलाफ जमके नारेबाजी करिन। एनएसयूआई के प्रदेशाध्यक्ष आकाश शर्मा ह कहिन कि राज्य सरकार चुनाव जीतय बर लोगन ल लुभाय के काम करत हवय। मोबाइल बांटे के तइयारी करे जात हे। जबकि युवा मन ल उंखर योग्यता ल देखत हुए रोजगार के जरुरत हे। पूरा प्रदेश म खासकर ग्रामीन क्षेत्र मन म रोजगार के बेहद कमी हे। सरकार युवा मन ल आत्म निरभर बनाना छोड़ के उमन ल खैरात बांटके पराश्रित करे म जुटे हे। जितेंद्र पांडेय, कुलदीप यादव, देवेन्द्र साहू समेत बड़े संख्या म एनएसयूआई के पदाधिकारी अउ कारयकरता मवजूद रिहन हे।