Corona : देश म कोरोना संक्रमित मन के संख्या ह 4.56 लाख ले जियादा, पिछले 24 घंटा म सामने आय हे 15968 नवा मरीज
जय जोहार…. देश म कोरोना (corona) संक्रमित मन के संख्या ह कम होय के नाम नई लेवत हे। देश म कोरोना मरीज मन के संख्या ह 4.56 लाख ले जियादा हो गे हे। पिछले 24 घंटा म 15968 नवा मरीज मिले हे। जबकि 456 लोगन मन के मौत हो गे हे।
केन्द्रीय स्वास्थ्य अऊ परिवार कल्याण मंत्रालय के ओर ले जारी आकड़ा के अनुसार देश म कोरोना (corona) मरीज मन के संख्या ह चार लाख 56 हजार 183 हो गे हे। ए वायरस ले अब तक 14476 लोगन मन के जान चले गे हे।
जबकि देश म अभी कोरोना के सक्रिय मामले ह 1 लाख 83 हजार 22 हे। ऊहचे 2 लाख 58 हजार 685 लोगन मन ह कोरोना ले जंग जीत गे हे अऊ अपन घर लहुट चुके हे।
कोरोना के महामारी ले सबले जियादा प्रभावित महाराष्ट्र म पिछिले 24 घंटा म कोरोना (corona) वायरस संक्रमण के 3214 नवा मामले दर्ज करे गे हे। जबकि 248 लोगन मन के मौत हो गे हे।
राज्य म संक्रमित मन के संख्या ह बाढ़ के एक लाख 39 हजार 10 हो गे हे। ए दौरान राज्य म 1925 लोगन मन ह कोरोना ल मात दे दे हे। जेखर बाद स्वस्थ होवइया लोगन मन के संख्या ह बाढ़ के 69631 हो गे हे।