chhattisgarh म कोरोना संक्रमित मन के संख्या म होही इजाफा, जोड़े जाही छुटे 6 हजार नाव: स्वास्थ्य मंत्री टीएस सिंहदेव

जय जोहार…. (chhattisgarh) प्रदेश के स्वास्थ्य मंत्री टीएस सिंहदेव ह कहिन कि राज्य म कुल कोरोना संक्रमित मन के संख्या म इजाफा होही। पूर्व म कई नाव अइसे रिहिन जेन कोनो सती सरकारी आंकड़ा म नई जुड़ पाए रिहिन।

(chhattisgarh) स्वास्थ्य विभाग ह अईसे 6 हजार लोगन मन के नाव निकाले हे, ये लोगन मन ह पूर्व म संक्रमित रिहिन, लेकिन नाव परिवर्तन, निजी अस्पताल म उपचार के सती शासकीय आंकड़ा म सामिल नई करे जा सके रिहिन। ए 6 हजार लोगन मन के नाव ल सूचीबद्ध कर अब प्रदेश के कुल कोरोना संक्रमित मरीज मन के सूची म जोड़े जाही।

प्रदेश (chhattisgarh) के स्वास्थ्य मंत्री टीएस सिंहदे ह कहिन कि कोरोना संक्रमण के संपर्क म आए एक घलो प्रदेश वासी मन के नाम छुटे नई देही। ओमन ल सूची म सामिल कर पूरा आकड़ा छत्तीसगढ़ वासी मन के संग साझा करे जाही।