जय जोहार…. भारत म पहिली बार कोरोना (corona) ले स्वस्थ होवइया मरीज मन के संख्या ह एक्टिस केस ले जियादा हो गे हे। केन्द्रीय स्वास्थ्य मंत्रालय के ओर ले बुधवार को जारी आकड़ों के मुताबिक देश म कोरोना के कुल 1 लाख 33 हजार 632 सक्रिय मामले हे। जबकि अब तक 1 लाख 35 हजार 206 मरीज ह कोरोना ले जंग जीत गे हे। ए मन ल अस्पताल ले छुट्टी दे जा चुके हे। देश म कोरोना (corona) के कुल मामले के संख्या ह 2.76 लाख ले जियादा हो गे हे।
सरकारी आकड़ों के मुताबिक भारत म पिछिले 24 घंटा म कोरोना (corona) के 9985 नवा मामले के पहचान होय हे। ए दौरान देश म 279 मरीज मन के मौत हो गे हे। देश म कोरोना ले संक्रमित मरीज मन के कुल संख्या ह 2 लाख 76 हजार 583 हे। जबकि 7745 लोगन मन के मौत हो गे हे। महाराष्ट्र ह देश के सबले जियादा प्रभावित राज्य हे। जिहां कोरोना केस के संख्या ह 90 हजार ले जियादा हो गे हे। राज्य म अब तक 3289 लोगन मन के जान चले गे हे।
