chhattisgarh म कोरोना वैक्सीन के दूनों खुराक लेवइया के संख्या एक करोड़ ले जादा

जय जोहार… छत्तीसगढ़ (chhattisgarh ) म कोरोना वैक्सीन के दूनों खुराक लेवइया के संख्या एक करोड़ ले जादा हो गेहे । कोरोना संक्रमण ले बचाव बर प्रदेस म एक करोड़ 22 हजार 404 मनखे मन ह एखर दूनों टीका लगवा लेहे।

ये प्रदेस म टीकाकरण बर पात्र आबादी एक करोड़ 96 लाख 51 हजार के 51 प्रतिसत हे। (chhattisgarh ) टीकाकरण के रफ्तार ल बढ़ाय बर विगत 1 दिसम्बर ले समर्थन मूल्य म किसान मन ले धान खरीदी के सुरूवात के बाद खरीदी केंद्र म घलो कोरोना टीकाकरण करे जात हे ।

कोरोना ले बचाव के टीका के पहलइया अउ दुसरइया दूनों खुराक ल मिलाके प्रदेस (chhattisgarh ) म अब तक (5 दिसम्बर तक) दो करोड़ 79 लाख 93 हजार 381 टीका लगाय जा चुके हे। राज्य म टीकाकरण बर पात्र 91 प्रतिस त जनसंख्या ल पहलइया टीका लगाय जा चुके हे । प्रदेस के एक करोड़ 79 लाख 70 हजार 977 मनखे मन ल संक्रमण से बचाव बर पहलइया टीका लगवा चुके हे।