रायपुर। राज्य सरकार ह आदिवासी अउ ओखर लइका मन के बेहतरी बर अब्बड अकन योजना चलावत हे। इही म एक हे राष्ट्रीय खनिज विकास निगम (एनएमडीसी) के सीएसआर के बालिका शिक्षा योजना। ऐखर अंतरगत बस्तर क्षेत्र दंतेवाड़ा, बस्तर, सुकमा, कोण्डागांव, बीजापुर अउ नारायणपुर जिला म रहईया इच्छुक आदिवासी (अजजा) अपोलो स्कूल ऑफ नर्सिंग हैदराबाद म जनरल नर्सिंग अउ मडवाइफरी (जीएनएम) तीन बछर अउ बीएससी नर्सिंग चार बछर पाठ्यक्रम म भर्ती बर आवेदन मंगाए गे हे, एमा चयनित छात्रा मन ल मुफत म शिक्षा दे जाही।
आवेदन करे के आखिरी तारीख 2 जुलई 2019 हे। आवेदन ल सहा. महाप्रबंधक (सीएसआर) एनएमडीसी लिमिटेड बीआईओएम बचेली कॉम्पलेक्स जिला दक्षिण बस्तर दंतेवाड़ा (छत्तीसगढ़) के पता म भेजे सकथव। आवेदन लिफाफा म एनएमडीसी बालिका शिक्षा योजना 2019 लिखना घलो जरूरी हे । आवेदन करइया छात्रा हर 12वीं के परीक्षा विज्ञान (भौतिक, रसायन शास्त्र अउ बॉयोलाजी) विषय म पास हो अउ ओखर परिवार के महीना म आय 6 हजार रूपिया से जादा नई होना चाही। एमा परवेश बर चयनित छात्रा मन ल नर्सिंग पाठ्यक्रम म हर बछर के परीक्षा ल पास होय बर परही, जेन ह पास नई हो सके के स्थिति म रहिही ओखर शिक्षा सहायता राशि ल बंद कर दे जाही।
