आंत्रप्रोन्योर अवार्ड बर उद्यमी मन ले मांगे गेहे नाम

सीजी चेप्टर के अभिनव पहल,  4 मई के मिलही अवार्ड,  31 मार्च तक ऑन लाइन पंजीयन

रायपुर. आंत्रप्रोन्योर ऑफ द ईयर अवार्ड बर छत्तीसगढ़ के मूल उद्यमी मन ले जेमन अपन स्वयं के बिजनेस करत हे, नाम मांगे गेहे. पंजीयन के प्रक्रिया 1 मार्च ले शुरु हो गेहे. जे ह 31 मार्च तक चलही.

पारदर्शी प्रक्रिया म चयन करे जाही, जेमा कोन हे बेस्ट अउ कबर चुने हे एक्सपर्ट मन. ए सेरेमेनी अवार्ड दू अलग केटेगरी म होही. 4 मई के राजधानी रायपुर म होवइया ए अवार्ड के लगातार दूसर आयोजत कर जात हे.

छत्तीसगढ़ चेप्टर के ओर ले रमेश अग्रवाल, प्रशांत धाड़ीवाल, अमित अग्रवाल एवं पंकज शारडा, आनंद सिंघानिया ह संयुक्त जानकारी देवत हुए बताइन के, छत्तीसगढ़ के स्वामित्व अउ नवाचार उद्यमी मन ल पहिचान दिलाए के उद्देश्य ले एक साझा प्रोग्राम करे जात हे. जेमा दो केटेगरी रखे गे हे. पहला व्यक्तिगत, जेमा तीन अवार्ड अउ दूसरा कंपनी स्तर म हो ही. एमा पांच अवार्ड रखे गे हे. आंत्रप्रोन्योर्स ऑर्गेनाइजेशन (ईओ) के वेबसाइट म नाम पंजीयन कराए के सबो जानकारी उपलब्ध हवय. अउ पंजीयन घलो ऑन लाइन ही कराना हे, एखर बर एक माह के समय 1 मार्च ले 31 मार्च तक निर्धारित हवय.

अवार्ड के ए उद्देश्य घलोक हे के, छत्तीसगढ़ के उद्यमी मन ह कतना व्यवसाय, अउ ए क्षेत्र मे कतना विकास करिन हे. नवा उद्यमी मन क का स्थिति हवय. व्यवसाय के संचालन बर कुसल नेतृत्व के क्षमता कतना हे, एमा कहां तक उमन सफल होए हे, सामाजिक दायित्व मन के कहां तक पालन करत हे. कार्पोरेट प्रशासन अउ स्थिरता के क्षेत्र म उंखर का योगदान रहे हे. ए सबो कुछु उंखर द्वार दे गे जानकारी म आघू आ जाही.जे उद्यमी ए अवार्ड प्रोग्राम बर अपन नाम दर्ज कराही. एखर ले एक-दूसर के सफलता अउ कमी मन स जाने के अवसर घलो मिलथे. जे कोनो न कोनो उंखर व्यवसाय के प्रदर्शन, उद्यम अउ अर्थव्यवस्था ल प्रभावित करत हवय.

31 मार्च तक जतका पंजीयन आही. उंखर देश के चुनिंदा एक्सपर्ट आंत्रप्रोन्योर्स ऑर्गेनाइजेशन ह तय बिंदु मन म आंकलन करही अउ जे ह सबो म बेस्ट हो ही. उमन ल अवार्ड प्रदान करे जाही, जे 4 मई 2019 के राजधानी रायपुर म होही. मुख्यमंत्री भूपेश बघेल ल घलोक ए कार्यक्रम म बुलाए जाही. ए अवसर म देश के ख्यातिनाम उद्योगपति मन के संबोधन घलो होही.

आंत्रप्रोन्योर्स ऑर्गेनाइजेशन

आंत्रप्रोन्योर्स संगठन (ईओ) एक वैश्विक अउ गैर लाभकारी संगठन हवय. जेखर संग 13,000 ले जियादा इंटर प्रेनर्स जुड़े हवय. अउ संगठन के कामकाज 181 चेप्टर के माध्यम ले 57 देश मनम फइले हे. सन् 1987 म स्थापित ईओ, अग्रणी आंत्रप्रोन्योर्स ल सीखे अउ बढ़ाया बर उत्प्रेरक के तउर म काम करत हवय,. जेखर ले उमन ना सिरिफ व्यवसाय बल्कि उंखर ले परे बेहतर सफलता हासिल कर सकय। एक मौलिक सोच ले के काम करत हे. अपन सहकर्मी ले सहकर्मी के रुप म बातचीत, जीवन के अनुभव अउ विशेषज्ञ मन के मार्गदर्शन घलो सामिल होथे. एखर सेती ईओ के मुख्य मंत्र हेहे – विश्वास अउ सम्मान, साहस, सीखे के ललक, बनव अउ बनावव.