मुख्यमंत्री विष्णु देव साय ले भारतीय रेडक्रास सोसायटी के पदाधिकारी करिन सौजन्य भेंट

मानवता के सेवा में रेडक्रॉस के भूमिका ह सराहनीय हे – मुख्यमंत्री श्री साय

रायपुर, विश्व रेडक्रॉस दिवस के मौका में आज राजधानी रायपुर के मुख्यमंत्री निवास कार्यालय में मुख्यमंत्री विष्णु देव साय ले भारतीय रेडक्रॉस सोसायटी, छत्तीसगढ़ शाखा के चेयरमेन तोमन साहू अउ दूसर पदाधिकारी ह सौजन्य भेंट करिन। ए बखत पदाधिकारी ह मुख्यमंत्री विष्णुदेव साय ला रेडक्रॉस के बैज पहिराइन अउ स्मृति चिन्ह भेंट करके विश्व रेडक्रॉस दिवस के बधाई दीन।

मुख्यमंत्री विष्णुदेव साय ह सबो पदाधिकारी अउ स्वयंसेवक ला ए मौका में सुभकामना देवत कहिन कि मानवता के सेवा के संग ही आपदा (मुसीबत) के बखत में रेडक्रॉस संस्था के भूमिका ह भारी सराहनीय हे।

ए मौका में वाइस चेयरमेन रुपेश पाणिग्रही, कोषाध्यक्ष संजय पटेल, राज्य प्रबंध समिति सदस्य प्रदीप साहू अउ संरक्षक सदस्य दिनेश तापड़िया उपस्थित रहिन।