दंतेवाड़ा के विकास बर संवेदनशीलता ले कार्य करे अधिकारी – मुख्य सचिव

जय जोहार रायपुर…. मुख्य सचिव आरपी मंडल ह अलग-अलग विभाग के अधिकारी मन ल निर्देश दे हे कि राज्य के दंतेवाड़ा जिला के विकास बर विशेष कार्ययोजना के तहत संवेदनशीलता ले कार्य करे। जेखर ले मुख्यमंत्री भूपेश बघेल के मंशानुसार जिला म गरीबी रेखा के नीचे जीवन यापन करइया लोग मन के संख्या म कमी लाए जाए। मुख्य सचिव ह आज मंत्रालय महानदी भवन म वरिष्ठ अधिकारी मन के बइठक लिस अऊ दंतेवाड़ा दिला के विकास के संबंध म बनाए गिस विशेष कार्ययोजना के विस्तार ले समीक्षा करिस।

मुख्य सचिव ह अधिकारी मन ल निर्देश देत हुए कहिन कि जिला म लगभग 60 प्रतिशत परिवार गरीबी रेखा के नीचे रहने वाला हे। अवइया चार वर्ष म एला 20 प्रतिशत ले नीचे लाए बर सबो विभाग के अधिकारी आपसी समन्वय ले एकजुट होके कार्य करे।