ड्यूटी म जाए बर रोकिस पत्नी त हत्या कर दिस जवान

जगदलपुर. शहर म कोबरा बटालियन के एक जवान उपर अपन पत्नी के हत्या के आरोप लगे हे. पुलिस के दावा हे के लोकसभा चुनाव के ड्यूटी म जाए ले रोके के कारन जवान ह अपन पत्नी के हत्या कर दीस. चुनाव म नई जाने ल ले के पति-पत्नी के बीच म विवाद हो गिस. एखर बाद कोबरा बटालियन के जवान ह घटना ल अंजाम दे दिस. पुलिस ह घटना के चार दिन बाद मामला के खुलासा करे के दावा करिस हे.

जगदलपुर पुलिस के मुताबिक आरोपी जवान ह गला दबाके अपन पत्नी के हत्या करिस. एखर बाद जवान ह झूठा शिकायत कर पुलिस ल गुमराह करे के कोशिश करिस. 4 दिन म इरादतन हत्या के पुलिस ह पर्दाफाश करे के दावा करे हे. आरोपी जवान ल पुलिस ह गेरफ्तार कर लेय हे. पुलिस के दावा हे के आरोपी जवान ह हत्या के बात ल कबूल कर लीस हे.