chhattisgarh : सरकार के 3 बच्छर पूरा होय म कांग्रेस मनाही प्रदेस भर म उत्सव, पढ़व

जय जोहार….  (chhattisgarh) मुख्यमंत्री भूपेश बघेल के नेतृत्व म कांग्रेस सरकार के 3 बच्छर पूरा होय म कांग्रेस ह प्रदेस भर म उत्सव मनाही। सरकारी योजना के मनखे मन म प्रचार प्रसार करे बर कारीकरम आयोजित करे जाही। जिला मुख्यालय, ब्लाक मुख्यालय म आतिसबाजी अउ मिष्ठान वितरण के कारीकरम ल आयोजित करे जाही।

प्रदेस (chhattisgarh) कांग्रेस अध्यक्ष मोहन मरकाम ह किहीन कि कांग्रेस के सरकार ह ए तीन बच्छर म राजीव गांधी किसान न्याय योजना, गौ-धन न्याय योजना, नरवा-गरवा-घुरूवा-बाड़ी, किसान मन के कर्जा माफ, बिजली बिल हॉफ, वन अधिकार पट्टा, तेन्दूपत्ता संग्राहक सामाजिक सुरक्षा योजना, मुख्यमंत्री हाट बाजार क्लिनीक योजना समेत कई ठीन जनकल्याणकारी योजना के सुभारंभ अउ क्रियान्वयन करत हे।

(chhattisgarh) प्रदेस कांग्रेस अध्यक्ष मोहन मरकाम ह सबो प्रदेस पदाधिकारी, प्रतिनिधि, सांसद अउ पूर्व सांसद प्रत्याशी, विधायक अउ पूर्व प्रत्यासी, पूर्व विधायक, जिला कांग्रेस कमेटी के पदाधिकारी एवं कार्यकर्ता मन ल कारीकरम म अनिवार्य सहभागिता करे ल कहे हे।