नए साल के पहिला दिन सचिव अउ विभागाध्यक्ष मन के बइठका, मुख्यमंत्री ह दिस शासकीय कामकाज म कसावट लाए के मंत्र

रायपुर। मुख्यमंत्री विष्णुदेव साय आज नवा बछर के पहिला दिन मंत्रालय म जम्मों विभाग के सचिव अउ विभागाध्यक्ष मन के बइठका लेके शासकीय काम-काज म पारदर्शिता और कसावट लाए के संग-संग आमजनता ले जुड़े मामला के तत्परतापूर्वक त्वरित अउ प्रभावी निराकरण करे के निर्देश दिस।
मुख्यमंत्री श्री साय ह बइठका म दो टूक कहिन कि प्रशासनिक काम-काज म कोनो तरह के ढिलाई बर्दाश्त नई करे जाए। वरिष्ठ प्रशासनिक अधिकारी ले लेके निचला स्तर तक के अधिकारी-कर्मचारी समय म कार्यालय आवे अउ पूरा मुस्तैदी ले अपन दायित्व के निर्वहन करे। मुख्यमंत्री साय ह कहिस कि विकसित छत्तीसगढ़ के लक्ष्य ल हासिल करे बर हमन जम्मों झन ल टीम भावना ले काम करना होही।
मुख्यमंत्री ह बइठका म कहिन कि वर्ष 2024 म हमने प्रधानमंत्री नरेन्द्र मोदी के प्रमुख गारंटी ल पूरा करे हवन। साल 2025 छत्तीसगढ़ के रजत जयंती वर्ष हरे। अइसे म ए बछर के छत्तीसगढ़ बर विशेष महत्व हे, एखर सेती बड़ उत्साह ले निष्ठापूर्वक अपन दायित्व के निर्वहन करव। मुख्यमंत्री ह अधिकारी मन ल विशेष अभियान संचालित करके लंबित फाइल ल तत्परता ले निराकृत करे के हिदायत दिस। ओहा मंत्रालय सहित जम्मों ऑफिस म ई-ऑफिस के व्यवस्था ल सुचारू रूप ले लागू करे के निर्देश घलो दिस।
मुख्यमंत्री साय ह कहिन कि ओ खुद जम्मों विभागों के कार्य के समीक्षा करही। ओ हा जम्मों विभागीय सचिव मन ल अपन विभाग के नियमित समीक्षा करे के निर्देश देत किहिन कि हर महीना वर्चुअल समीक्षा के संग, हर 3 महीना म भौतिक समीक्षा घलो करे जाए। संगे संग बड़का योजना के क्रियान्वयन म आवत समस्या के समयबद्ध निराकरण करे के प्रयास करव अउ मुख्य सचिव अउ प्रमुख सचिव ल अवगत करावव। मुख्यमंत्री ह कहिन कि आम आदमी के समस्या के समय म निराकरण होना जरूरी हे।
मुख्यमंत्री ह कहिन कि ईज ऑफ लिविंग अउ ईज ऑफ डूइंग बिजनेस म हमार फोकस होना चाहि। छत्तीसगढ़ म अभी निवेश के बहुत अच्छा माहौल बने हे। छत्तीसगढ़ के औद्योगिक नीति 2024-2030 के पूरा देश म सराहना करे जात हे। नवा औद्योगिक नीति के लाभ निवेशक मन ल मिलय, एखर विशेष ध्यान रखव।
मुख्यमंत्री ह कहिन कि प्रदेश म कानून व्यवस्था के स्थिति मजबूत होनी चाहि। बीते एक बछर म हमन नक्सल मोर्चे म बड़का कामयाबी पाएन हन। नक्सल प्रभावित क्षेत्र म शांति स्थापित करे म हमन कामयाब होय हन। शासन के योजना ल नक्सल प्रभावित क्षेत्रों तक ले जाए के आवश्यकता हे। नियद नेल्ला नार योजना के लाभ क्षेत्र के लोगन मन ल मिलय, ए बड़ जरूरी हे। नक्सली क्षेत्र म बड़ सुरक्षा कैंप हमन खोले हवन। ए बात के ध्यान रखके कि संबंधित विभाग के कार्य जो नियद नेल्ला नार योजना के तहत आवत हे, ओ त्वरित गति ले ए क्षेत्र में पूर्ण हों सकय। छत्तीसगढ़ के दूरस्थ आदिवासी बाहुल्य क्षेत्र तक शासन के योजना के लाभ पहुंचाए के सेवा के कार्य हे।
मुख्यमंत्री कहिन कि जिला के प्रभारी सचिव हर 2 महीना मा जिल के दौरा करय। इस दौरान ओ जिला के अंदरूनी क्षेत्र म जाएं अउ फील्ड के जानकारी लेवय, तभे जमीनी स्तर म योजना के क्रियान्वयन के वास्तविक स्थिति के पता चलही। ओहा प्रभारी सचिव ल अपने जिला के भ्रमण के दौरान उहां के स्थिति के सम्बन्ध म मुख्य सचिव अउ प्रमुख सचिव अनिवार्य रूप ले अवगत कराए के निर्देश दिस।
मुख्यमंत्री साय ह जिला म घलो प्रशासनिक कसावट के विशेष ख्याल रखे के निर्देश दिस। मुख्यमंत्री ह कहिन कि ट्रैफिक व्यवस्था म घलो ध्यान दे जाए के जरूरत हे। आजकल बड़ सड़क दुर्घटनाएं होवत हे। अभियान चला के सड़क दुर्घटना के रोकथाम के पुख्ता प्रबंध करे जाना चाहि, ताकि एमा कमी लाए जा सकय। छत्तीसगढ़ म अन्य राज्य ले नशा के सामग्री के तस्करी न हो पाए, एखर बर कड़ाई ले रोक लगाए के जरूरत हे। मुख्यमंत्री साय कहिन कि पिछला एक बछर म नशे के अवैध कारोबार के रोकथाम बर अच्छा प्रयास करे गे हे, जेमा अउ तेजी लाए के जरूरत हे।
बइठका म मुख्य सचिव अमिताभ जैन, अपर मुख्य सचिव, पुलिस महानिदेशक अशोक जुनेजा, प्रधान मुख्य वन संरक्षक अउ वन बल प्रमुख व्ही श्रीनिवास राव, प्रमुख सचिव, सचिव अउ विभागाध्यक्ष सहित अन्य अधिकारीगण मौजुद रीहिन।